網上瘋傳大年初二有兩名男子於旺角上海街一帶，借舞獅活動向店舖「拜年」討利是。拍片人直斥，「好心你哋啦！唔好影衰龍獅文化！」
有網民在fb群組上載影片，見到年初二當日在上海街一帶，兩名男子一人舞獅、另一人鑼打鼓，正打算向一間麻雀館埋手，惟走到店外就被職員趕走，直言「喂，大佬呢度唔係食肆嚟㗎！」兩人被拒後只好迅速離開。
影片引發網民熱議，有人質疑這種行為形同「收陀地」、「桔都無盤」、「呢啲先係。年獸」、「分分鐘本都回唔到」、「佢似玩緊Cosplay多啲喎」、「夠膽去麻雀館搵食，真係唔驚比人打」、「兩條茂利似想畀人開年多啲喎」。
收藏
取消收藏
分享
