Gigi去年既考進了心儀的大學，又舉行了入行首次個人演唱會，早前還宣布會在4月再開個唱，展望龍年，Gigi也給自己訂下了新目標。Gigi談兔年最難忘的是開了她人生第一個售票演唱會，「我覺得好榮幸，同埋好開心可以見到大家。踏入龍年，除咗要繼續努力讀書，考到好嘅成績，工作上都希望有更多唔同嘅突破，今個龍年我有個小心願，希望可以推出自己嘅個人大碟，呢個係我龍年最想完成嘅目標。」
去年的作品《Little Magic》連奪「勁爆歌曲」及「叱咤專業推介十大」，之後唱劇集《新聞女王》主題曲《Crystal Clear》，首次奪得「最佳電視歌曲」，Gigi坦言這都是音樂團隊努力的成果，期望新年能夠擁有更多更受廣大樂迷喜歡的歌曲。她說：「好歌難求，希望龍年遇到更多好嘅監製、出色嘅音樂人，遇到自己鍾意、樂迷又鍾意嘅好歌，因為出一張大碟，要集合好多歌先可以完成，所以要花更多時間，同我嘅音樂團隊溝通。」
Gigi為龍年定下願望和目標，但身體健康最重要。「可能去年中咗流感，病到咩都做唔到，仲要屋企人同粉絲擔心，所以大前提最重要係身體健康，繼續做個真的『漢Gi』。」
學業、事業兩忙，踏入龍年，Gigi在大年初一晚上參與了花車巡遊，現場載歌載舞，與大批市民一起感受新年熱鬧氣氛。
(來源：香港文匯報)
收藏
取消收藏
分享
