部分移英港人在英國無法從事原本職位，只能從基層工種入手，但近日有移英港男仍然「死雞撐飯蓋」，在網上發文話專業人士即使進入一個新嘅行業從新開始，都可以好快回到該到嘅位置喎。不過，有移英網民直指「條友一本正經地胡說八道」，反指「英國係階級社會，佢哋有民主，但唔代表阿狗阿貓嘅發言都會有人理」、「英國睇學歷仲睇得重過香港」囉。
一名移英港男在fb開設「低成本移英攻略專頁」，分享其移英經過和生活。他近日發文提到，自己收到唔少高學歷嘅專業人士的私訊，苦訴喺英國搵工嘅難處，仲話「突然覺得自己做咗咁多年嘅專業喺英國變到一文不值」。樓主於是分享其想法，指「經係一個領域嘅專業人士，有degree master嘅學歷，表示已經掌握做一件事由零變到極致嘅竅門，即使進入一個新嘅行業從新開始，都可以好快回到該到嘅位置。」
樓主還在文末大拋金句，話「始終相信Form is temporarily Class is permanent!」不過，網民就嘲笑他連抄都抄錯，「我估佢係想講form is temporary but class is permanent…」、「佢平時講自己嘅經歷無問題，但呢啲偽人生哲理post真係零營養。」
有網民就留言指，「以前移民門檻好高，專業移民真係有大公司請你去先得，投資移民更加唔係買間千呎大屋就得。就係驚你生活唔到，最後靠當地政府救濟。依家bno咁低要求，真係有好多根本無能力嘅人去咗。」
收藏
取消收藏
分享
