【點新聞報道】尹光（光B）今年首次拍攝以朱古力為主題的賀年廣告MV，他以經典搞笑爆炸頭形象同聲演阿紅的森美共唱Rap賀年。
MV改編自Twins紅爆賀年金曲《你最紅》，配合尹光今年的當旺聲勢同朱古力主要角色阿紅，《你最紅》絕對是一時之選。今次光B更首次與聲演阿紅的名DJ森美合作對Rap，面對一向口齒伶俐的森美，尹光表示高手過招分外興奮，對森美聲演天分亦讚不絕口，合作效果超乎預期，絕對能令聽眾驚喜，聽得過癮。
全長兩分鐘的MV，為迎合農曆新年氣氛，尹光穿上一身大紅潮Look上陣，更戴假髮復刻《少理阿爸》經典造型與一家大細一齊捽碟rap歌。尹光的經典歌聲加上歡慶鬼馬演繹，Rap有趣加上句句到肉，有望成為龍年賀年洗腦神曲。
尹光表示拍攝朱古力為主題的MV十分開心，因為歌曲喜慶之餘又易入口，錄音時自己都忍唔住唱完又唱，十分投入。尹光笑言今次MV拍攝最大得益者絕對是其孫女。因為孫女最鍾意食朱古力，一邊拍攝已經不停提點爺爺記得帶多些回家給她們吃，一次拍攝滿足曬全家願望，絕對是歡樂大滿足。
（點新聞特約記者陳惠芳報道）
相關報道：
收藏
取消收藏
分享
