一對移民英國的港人夫妻以為可以享受到美好嘅生活，豈料懷孕人妻卻發生流產悲劇。近日夫妻的友人在網上發長文訴說事發經過，指起因是該夫妻寓所的煙霧警報器(smoke alarm)成日會無啦啦響，令懷孕妻飽受警嚇，人夫惟有拆掉電池，但代理公司職員上門發現後，就怒斥他們並堅持重新裝上，然而誤鳴情況沒有改善。幾日後有一晚，警報器再次誤鳴，從夢驚醒的懷孕妻被嚇到子宮收縮，最後導致流產。夫妻二人傷心之餘，亦好想幫無緣的BB爭取公義，於是友人便上網求助網民，希望能控告該職員失職。
該名移英網民在fb群組「英國香港人生活交流區」發文為人妻出頭，指人妻去年12月初發現懷孕，懷孕初期身體不適去過醫院檢查。而同時，她家中的smoke alarms成日會無啦啦響，她老公因為唔想嚇親孕婦，就打電話去agent公司查問，但卻被對方敷衍了事，所以老公就拆咗舊電。其後，agent公司於12月中派職員上門檢查媒氣，職員發現他們拆咗舊電就開始用粗口鬧他們，並堅持要裝返。然而，裝完唔夠5分鐘，個警報器再次亂響，人夫於是立即追出攔下正駕車離開的職員回去修理。
友人又提到，當日正落雨，他們請職員除鞋先入屋，但職員除一次就算，之後來來回回都係用對有泥嘅鞋踩出踩入，仲亂踩入去有地氈嘅地方。隔了數日，人妻唔知道係因為懷孕初時不適，定還是被當日職員入屋時傳染到，「真係中咗流感病咗，仲又屙又嘔，而且發燒，燒咗3日」。但其實她因懷孕初期孕吐嚴重，所以除做產檢，無出過街，所以應該較少機會在外面感染。
然而，在懷孕妻患病其間，有一晚老公外出購物時，個煙霧警報器又再誤鳴，「佢(懷孕妻)瞓緊覺比個alarm嚇醒咗，然後個肚好痛嘅情況下，佢衝落去廚房企上張凳上面off咗個smoke alarms，然後佢個肚痛到要即刻打111，仲嚇到心理出現問題！」隔咗無耐，可能幾日，最後BB保唔到。
友人表示，人妻因為流產終日以淚洗面，好嬲自己、怪自己無好好保護個BB；而老公亦好傷心好嬲。友人希望為他們一家爭取公義，遂發文問網民「我應該點做？點先可以幫到佢地？」有網民就建議「拎齊生件/記錄/證據入紙法庭告爆佢」；亦有人勸人妻看開一點，「保重身體，希望日後生一個健健康康皂小朋友更重要」。
收藏
取消收藏
分享
