【點新聞報道】早前Gin Lee李幸倪籌備官方歌迷會，日前她於IG live宣布她的官方歌迷會「GLFC」App正式上架，是少有以App形式成立歌迷會的香港歌手。
Gin Lee由去年九月開始籌備，花了近四個月的時間開發這個應用程式，「其實開發一個app至少要半年至一年時間將佢完善，但今次就用咗好快嘅時間做好，終於終於見得人啦！之前有一個小小嘅soft launch，未正式同全部人講，今日可以講啦！」她坦言開發這個app是很希望有一個屬於她跟fans的平台，凝聚大家的力量，「我又可以認識佢哋多啲，嚟緊亦都會舉辦多啲唔同嘅活動，見下佢哋，同佢哋拉近距離，亦都多謝佢哋扶持咗我咁多年。」
為了這個平台，Gin事事親力親為，除了IT的部分，訂貨入貨、會tee設計、翻譯、proofreading等等，Gin都落手落腳去做，「用咗好多精力同時間，真係好似一日返幾份工，去搞去跟進，總之好誇張，希望大家可以感受到我嘅誠意。」她笑言過去一個月，自己家裏像貨倉一樣，「因為放滿曬大家嘅會tee、一啲Merchandise、筆記簿等等。」
有fans問到Gin在新年如何度過，她說每年農曆新年她都要放假，因為大部人都放，但今年年初一便要開工，可謂打破自己紀錄，「今年大年初一要錄音，因為夾唔到期，所以對我嚟講都係一個好大嘅『犧牲』，哈哈。」她透露歌曲於農曆年後推出，有fans時問幾時開show，她說：「個人show就下年啦，但今年都會有show，係同人合作嘅，而家唔講得，大家好快就知。」
（點新聞特約記者陳惠芳報道）
更多閱讀：
收藏
取消收藏
分享
