「阿寶」之名非初戀女友　葉念琛親解：貪方便

【點新聞報道】麥玲玲主持一集主題「電影唔係咁樣拍」，請來導演葉念琛擔任嘉賓。玲玲師傅除了堪輿學家,亦是葉念琛電影御用班底。

葉念琛有「少年王晶」、「MK活地亞倫」的稱號。他的電影作品中女主角名字都叫「阿寶」，是否如傳言般是他初戀女友的名字，葉念琛略帶無奈說︰「我入行20幾年，編、導過40幾部作品，總共有18個『阿寶』出現，全部都係創作，無一個係原型人物。坊間嗰啲只係美麗誤會，不過講極都無人信。」接住他自爆統一叫「阿寶」的原因簡單︰「同行可能會明白，其實寫劇本最考腦筋係諗角色名，有時寫到後邊，唔記得咗前面用乜嘢名，統一咗就無呢個煩惱。」

玲玲師傅講起跟葉念琛合作，緣於一個俗稱「尿袋」的流動充電池。有次二人出席同一宴會，席間葉念琛問同桌各人有否「尿袋」可以借用，玲玲師傅笑說︰「嗰時得我借畀佢，借完又擔心佢唔記得還，嗰時唔係好識佢。」好在葉念琛有借有還，當時玲玲師傅隨口講了一句「記得爭我一個角色呀吓」，想不到過兩日就收到葉念琛電話，要求在新戲中演出，一直合作至今。

節目中二人互揭「瘡疤」，葉念琛提到劇集《美麗戰場》，劇中陳曉華父母角色由玲玲師傅同鄧梓峰飾演，他爆料說︰「有人問點解陳曉華走（離世）嘅時候，阿爸阿媽唔係身邊，其實劇本寫佢哋移咗民，不過麥玲玲、鄧梓峰呢兩大演技派好早同我講『我真係做唔到個場』……真係無出色。」玲玲師傅理直氣壯解釋說︰「白頭人送黑頭人呢啲斷腸戲，我哋呢啲老臨做唔到，係我爛泥扶唔上壁。」

（點新聞特約記者陳惠芳報道）