夜歸女士要小心，更要小心飲品安全！一名港女日前看完跨年煙花後，在便利店遇到不軌之徒，疑似被人在樽裝水「落藥」。她事後發文提醒各位女士，「嘢飲盡量唔好外露，或者放喺自己視線範圍。」帖文引起網民熱議，有人直呼恐怖，建議事主「報警啦，7仔大機會有cctv影到，如果下個行慢啲佢閂得切蓋點算」、「以後個水樽都唔好放喺個袋出面，呢個世界真係乜癲佬都有」。
女事主在網上討論區「Dcard」以「24年第一日就比（畀）人係（喺）便利店落藥」為題發文，指於1月1日凌晨約2時，她同朋友倒數睇完煙花，返屋企前去咗便利店買宵夜。當時便利店入面有6個人「2個店員，3個hehehaha（嘻嘻哈哈）好鬼嘈嘅男仔，仲有個睇緊報紙嘅阿叔。」
女事主憶述「畀錢時feel到背囊比人搞，檸轉頭一望就見到個3個男仔係我後面」，指他們不斷發出笑聲和嘈吵聲，「因為佢哋太煩我都冇為意佢哋」。付款後，事主行出門口兩步就摸一摸自己背囊拉鏈，確定冇被扯開偷嘢，以為無事就算啦。
然而，女事主出舖頭前見到奇怪一幕，「其中一個男仔隻手挨住係貨架，拎住粒藍色嘅嘢。」事主回家後執背囊時，發現「插係背囊外隔嘅水樽冇咗個蓋，而入面啲水有層好明顯嘅粉係入面」。當下事主仍未察覺有問題，以為冇咗蓋污糟入塵之類，直接倒咗啲水落馬桶拎個樽去回收就睡覺。
翌日，女事主再到同一間便利店購物時，「我喺噚晚個男仔挨住個貨架見到我支水個樽蓋，成件事寸連埋一齊就好恐怖。」她指，該樽水是在倒數煙花完結後才買，只喝了兩口就放回背囊；「搭地鐵時我背囊係打平放，如果喺入便利店之前就已經冇咗個蓋，啲水一早就喺地鐵倒晒出來，所以個蓋就係我出站後到返屋企中途消失咗」。
女事主分析：「我喺貨架再見返自己個水樽蓋，再加上夜晚畀錢時feel到自己袋畀人搞過，好大機會就係3個男仔趁我畀錢時，打開我插係背囊支水個蓋，然後倒咗啲不明粉末入去，然後再隨手將個蓋放咗係貨架。」女事主坦言，如果唔係冇咗個蓋，就未必會發現到支水入面有古怪，然後返到屋企繼續飲，後果可能不堪設想。
由於女事主已將液體倒掉，無法追究，亦不清楚該3名男仔係一時貪玩定係慣犯，但她決定發文提醒各位女士，「嘢飲盡量唔好外露或者放係自己視線範圍，如果支嘢唔見咗蓋，或者覺得有古怪就唔好飲，情願買過支好過……」
收藏
取消收藏
分享
