為迎接完善地區治理新篇章，民政及青年事務局喺新一年換上新裝，局方噚日喺社交平台介紹新制服背後嘅故事，話構思來自深水埗民政處舉辦嘅「別出深裁」時裝設計比賽，由比賽顧問、香港設計師何國鉦同得奬嘅年青朋友設計，制服上嘅字就由為港鐵車站題字嘅書法家區傑棠揮毫。
民政總署外套以綠色為主調，象徵民政團隊以熱誠、活力同幹勁，致力建設健康和諧社區。各區民政處嘅白色風衣就以奔流脈搏為設計意念，象徵18區民政處全面掌握地區脈搏，與時並進，提供切合市民需要嘅服務。
制服設計除咗有歷史悠久嘅民政人仔標誌，亦糅合傳統書法元素。政總署嘅外套背後寫上「民政」兩字，18區民政處嘅風衣就寫有各區嘅區名，全部由為港鐵車站題字嘅書法家區傑棠揮毫。局方形容「區先生書風蒼勁雄渾，同時深入民心，正好彰顯民政團隊以民為本，致力貢獻社區嘅服務精神」。
收藏
取消收藏
分享
稿件由上傳 · 文責自負 · 不代表本網立場
