屯門一間日式食肆日前在社交平台分享指，一名婆婆不時都會到店內消費，一眾員工都知道她很鍾意食中華沙律，曾多次想免費贈送該小菜給她，惟婆婆每次都堅持付錢。一眾店員於是夾計「騙」過婆婆，讓她開心地享用免費小菜。帖文引來網民熱議，不少人大讚該食肆好有愛，紛紛留言指「抵讚」、「呢個感動，有啲想喊」、「好喜歡善良友愛的人」、「我都相信香港地仍然仲有愛。加油！」。
位於屯門的日式餐廳「花火漁屋 屯門山景店」有員工在其fb頁發文表示，該名婆婆日前一個人到餐廳用餐，點了一客三文魚親子丼，之後同事輪流行過去同婆婆傾偈又用紙筆溝通，最便「鬼鬼祟祟」地拿了一小碟中華沙律給她。
發帖者見狀，便向同事詢問原因，才得知原來婆婆好鍾意食中華沙律，店員過去曾多次免費贈送該小菜，但婆婆都堅持付錢，於是「今次佢哋老作話話個中華沙律係跟刺身飯送」。婆婆好開心用餐完畢後，店員便攙扶她出門口的步行架。
發帖者表示，雖然一眾同事並非聰明絕頂，遇上用餐的繁忙時間，更可能倒瀉籮蟹，但他希望港人仍能好好珍惜「一班依然係用個心去做服務嘅香港飲食業從業員」。有食客稱目擊事發經過，指「見到走時店員走埋婆婆身邊扶她出門口拎車仔，我都望多兩眼，覺得人間有愛！」、「坐喺隔籬枱見到晒，有愛」。
收藏
取消收藏
分享
