【點新聞報道】昨晚（1月1日）舉行的叱咤樂壇頒獎禮，組合MIRROR交出成績大不如前，12子坐足一晚，失落歌曲獎及組合獎項，僅奪「我最喜愛組合」及姜濤的叱咤十大歌曲獎。有說MIRROR流行風隨着樂壇復常漸漸褪色。
MIRROR去年獲「叱咤樂壇組合金獎」，今年卻跌出金銀銅獎，敗給Dear Jane、Lolly Talk及COLLAR，最後只奪靠投票勝出的「我最喜愛組合」獎項，當時隊長Lokman代表講得獎感言時，承認MIRROR於2023年確實很少合體：「喺2023年，MIRROR嘅成員有好多作品，但係以一個音樂組合嚟講係爭少少嘅。」又稱「2023年好多個『我』，但係好少『我哋』。」
MIRROR在新一年新開始，即齊集12人推出最新團歌Rocketstars，用歌曲展現12個人一條心為奮鬥向上。這首歌也是12子下定決心許下承諾。對於MIRROR的成長而各有自己取向，隊長Lokman表示：「每個人嘅性格，又或者作品嘅風格都愈嚟愈明顯同成熟，大家喺舞台上拿捏節奏同熟悉感快咗，唔同場館、唔同活動類型，好快手知道發生緊乜嘢事，好快融入其中。」未來的目標，眼前的當然是即將舉行的香港演唱會及World Tour，但從個人而言，MIRROR各人都有不同的分享。
楊樂文Lokman:「演戲信心大咗而唔係演得好咗，少咗疑慮，學識要放開下、感受當下。未來想再做唔同小組歌，自己鍾意一班人一齊玩，可以突破多啲嘢。」
Anson Lo稱「如果唔係喺MIRROR出道，唔會想像到自己係一個演員，以前好驚而家好鍾意演。音樂上一直係跳唱，另外期待12個成員可以做舞台劇，如果可以對我哋嚟講，會係一個好大進步。」
姜濤則說：「對舞台感覺唔同咗，愈嚟愈覺得唔係咁簡單，入行愈耐就知道愈多嘢做得唔夠好，尤其開演唱會，認識到自己嘅不足。演戲比想像中好玩，令我放鬆，釋放喺歌手身份上所承受嘅壓力。嚟緊都係最基本、最基礎嘅嘢要做好，就係歌要唱好，舞要跳好，呢啲係我哋嘅基本功，突破係需要基本功支撐，提醒自己唔好自滿。」
（點新聞特約記者陳惠芳報道）
相關報道：
收藏
取消收藏
分享
