【點新聞報道】肥媽、李家鼎（鼎爺）及游嘉欣（游游）擔任主持新一輯飲食節目《肥媽李鼎打大佬》載譽歸來，將於1月1日起推出。逢周一至三晚10點半翡翠台播映。
肥媽、鼎爺每集將配合不同主題炮製不同菜色，早前播出預告片，游游提到肥媽第一任老公出軌事件，肥媽直認不諱：「返到屋企時，有兩條友瞓喺我床嗰度。」游游聞言嚇到O晒嘴！早前傳出有拖拍的游游，被肥媽和鼎爺夾攻，肥媽說：「圈外人吖嘛，連我都知啦。」鼎爺加多腳說：「我知道咗好耐啦，唔講之嘛。」被玩的游游則口窒窒搞笑謂：「冷靜啲先大家！」縱橫娛樂圈多年的肥媽更大拋娛圈金句：「娛樂圈冇是非你做咩呀？最緊要有是非，你理得佢好定唔好吖？」字字珠璣！
「00後問題少女」游游則每集開首都會上演小趣劇大放笑彈，眾多角色中最吸睛的造型非「墊」鬥格十足的Double May。游游受訪時害羞指花了不少時間「升Cup」：「入面攝咗好多綿花整到有一定嘅厚度，再加埋個斜孭袋，咁先做到製作組想要嘅『山峰』效果，其實突然間身材變得咁唔同，都真係有啲尷尬嘅，不過，我會抱住專業嘅態度去完成呢個小劇場。」
（點新聞記者陳惠芳報道）
收藏
取消收藏
分享
