【點新聞報道】《臨時劫案》（《Rob N Roll》）將於農曆年上映，該片將引爆一場曲折離奇惹笑搶錢械劫風雲，臨時聘請兼職悍匪做世界。當中郭富城今次無論外觀及演出都甚為破格，以爆趣驚喜造型現身。
該片由爾冬陞監製，麥啟光執導，郭富城、任賢齊、林家棟及張可頤主演，王敏德友情出演以及胡定欣特別出演。今次推出十多款驚喜海報，除了有郭富城的騎呢打劫look，配合其對白金句：「你劫我！我劫你！啱晒數！」還有任賢齊的驚青走佬造型，配合其戲中對白：「我好人做唔好，壞人又做唔到。」林家棟更將其演繹的貪婪怕事的士司機角色，演得扺死啜核。飾演孕婦的胡定欣，其角色經常被奶奶激得情緒高漲，她表示：「拍攝時嗌到成條邨都聽到，放盡嚟嗌。」定欣表示，好開心第一次與家棟合作，雖然說話不多，但感覺到對方是個細心好拍檔，定欣說：「我哋本身唔認識，但係佢都喺旁邊提點我，帶我入戲。」定欣透露，第一場戲在茶餐廳拍攝，情緒演繹已經甚為激動，她說：「要動胎氣生得，又揸住刀，都有𠝹損咗手，但都ok好好玩。而今次我入行同鵬哥（盧海鵬）第二次合作，上次係十幾年前，今次好開心且同鵬哥(盧海鵬)、家棟、鮑姐(鮑起靜)合作。」
（點新聞特約記者陳惠芳報道）
更多閱讀：
收藏
取消收藏
分享
稿件由上傳 · 文責自負 · 不代表本網立場
