【點新聞報道】《新聞女王》大結局今日（22日）冬至連續兩小時播出。前晚（20日）劇情講述李施嬅向Man姐佘詩曼道歉實質攞威，該幕阿佘與施嬅單靠「眼神互片」及「有骨單打對白」已戲味十足，二人多場的眼神Close Up戲更獲讚高手過招，故二人爭奪今屆視后均呼聲甚高。
踏入結局周，阿佘再度多角度展現教科書級別視后功架，昨晚（21日）飛爺等人對Man姐繼續咬住不放，在Man姐最無助之際，忠臣Ivan（何廣沛）着眾人將投票推遲至香港專業新聞獎後才進行，成功英雄救美。Ivan一角在內地相當受歡迎，除了因每次夜會Man姐都要11點離去而獲封「11點哥」，還因對Man姐所有決定均逆來順受獲封「全劇最忠心人物」。
何廣沛笑言自己演得很投入，感激阿佘幫忙入戲：「阿佘同我開親工都用Ivan BB稱呼我，無論幾遠見到我，都會：『Ivan BB 你返嚟喇？』，令我更容易去代入段關係，真係好多謝阿佘嘅帶領，令到我拍情感戲時自然流露。」
廣沛續指當初一接到樂小姐電話，即二話不說答應演出，並馬上減掉12 Kg兼喪操腹肌，並由圓臉男變成凹臉男。談到角色戲份不多，廣沛坦言不介意，又指為了突出Ivan BB對Man姐的仰慕及暖男度，在角色設計上花了不少心思：「好似幫Man姐磨筷子呀、同埋Man姐之後攞獎時喺台下幫佢拍片咁。」談到角色在內地爆紅，廣沛笑指全靠與Man姐最後Bad Ending：「呢件事引起唔少女性粉絲瘋狂圈粉Ivan哥。」
（點新聞特約記者陳惠芳報道）
收藏
取消收藏
分享
