男子組合BOYZ成員張致恒（Steven）和太太區燕雯（雯雯）雖然4年抱4，但夫妻關係時好時壞，雯雯不時公開鬧老公又嗌離婚，被網民取笑是「離婚界KOL」。Steven早前稱要為一家六口負責任，宣布做了結紮手術之餘，還決定「洗心革面」努力賺錢，不過經濟狀況仍然緊絀，他近期更因蛀牙、爛鞋等在社交平台求贊助，亦自認「面皮厚過碌柚皮」。
Steven於10月底時因為蛀牙，但就連睇牙都無錢，「咁大個仔第一次蛀牙，睇牙好貴有冇贊助」。本月初他再度在Ig限時動態「求救」，指所穿的鞋子已經爛底，「對鞋跟咗我好多年，終於爛咗底」，並寫道：「面皮厚過碌柚皮，求贊助。」
至昨日他在限時動態公開求助，「我真係好攰，一直以為自己會撐得住，4個小朋友病咗個幾月，最後連自己都病埋，搭地鐵嘅時候成日企喺度瞓着咗，搞到個電話跌落地，而家成個電話都碎晒，再加上屋企嘅經濟壓力，令到我就嚟頂唔住，已經因為交唔到租搬過好多次，我真係好努力去面對，我唔想再搬屋……我真係好辛苦……有冇人可以幫到我……」。
收藏
取消收藏
分享
