一場美麗的誤會！有港男在網上分享一段搞笑又暖心的經歷，指自己坐於大埔一處路邊吸煙時，被一名女子誤當乞兒，好心施捨10元給他，他當下只好微笑拒絕。事件引來一眾街坊熱議，大讚「香港人真有愛心」、「大埔多好人好事好美境，美麗誤會也覺得美，有愛」！
該名束長髮、從事物流業的港男於fb群組「大埔人大埔谷」發文表示，事緣當日早上在大埔收貨後，「等緊兩個伙記嚟收貨上車送畀客」。等候期間想食口煙，「為咗唔影響街坊出入，所以我先坐埋一邊」，點知導致「呢個美麗的誤會」，然而他沒有道破真相，只是「笑一笑拒絕咗」。
港男表示，「我衷心感謝啱啱手揸住$10，問我要唔要錢嘅好心太太」，又引用二創歌曲《幾許瘋語》並修改部份歌詞自嘲，「無言踎喺街邊回望以往的片段，似個瘋漢四處偷看，點煙擰轉面」。
帖文引來大埔街坊熱議，「太太真係好有善心呀！有錢食煙會冇錢食飯咩？煙貴過飯呀大佬」、「食得起煙，窮得去邊！希望太太下次可以幫到有需要嘅人」。有網民則認為是港男長髮、踢拖的造型令人誤會，笑指「拖鞋問題」、「下次着禮服開工la」、「叫咗你剪頭髮，執下個樣嫁啦，老闆」、「你把長毛頭髮加對人字拖鞋加吸煙個樣，令人想起你可憐身世加精神病患者」。
收藏
取消收藏
分享
