外出用膳最怕發現食物被「加料」，近日有港男於社交平台發文指，在快餐店用膳時，竟發現「隨碟附送」一隻生猛蟑螂，令他大感崩潰，話自己「18歲人仔第一次撞到咁嘅事，已有心理陰影」。
該名港男近日在fb群組「飲食黑店大全」發文發片，指日前到青衣一間連鎖快餐店用膳，吃完後驚見餐碟上有一隻蟑螂，「仲要係生嘅」，從影片可見蟑螂已「反肚」，「六腳朝天」不停抖動。事主指「如果唔係為咗陪阿媽食我都唔會嚟食」，並已就事件向食環署投訴，並聲言「以後都唔會再食」。
帖文一出，不少網民都大表驚訝，「哇，新鮮」、「加料，豐富蛋白質」、「當保品有旦白質益身體！」、「高蛋白」、「炒菜附送刺身？」、「太油 佢好明顯跣腳」。另有網友則推斷「好明顯是佢唔小心跌落碟野度，所以換過碟就好了」，有網民甚至懷疑事主虛報「碟飯食哂啦，隻曱甴捉落去㗎，有cam 影到監都有得你坐」。
收藏
取消收藏
分享
