【點新聞報道】歌唱真人騷《中年好聲音2》，明晚（10日）播出一集是第六部曲《廿一強全新賽制 動感/情感PK賽！》，新回合新賽制下，21強選手將以動感/情感歌曲進行PK賽，總共會淘汰三人。
該回合以安雅希對戰陳俞霏最有睇頭，兩人演唱完畢後都指緊張到手震。全黑西裝上陣的俞霏獻唱《失戀無罪》，她透露唱這首歌的原因：「前嗰排經歷咗好多事，導致婚姻失敗等等一系列嘅事，覺得揀呢首《失戀無罪》幾好，其實就算一個人獨身都可以好快樂，希望不負呢個舞台同埋自己。」
今集亦有感人故事，獻唱《時間都去哪兒了》的林若盈坦言，這首歌是送給患有抑鬱症的媽媽，她眼濕濕說：「作為抑鬱症患者嘅屋企人，其實有好大壓力，時間過得好快，當我回頭睇我媽咪嘅時候，真係發現佢老咗，想同大家講，就算同屋企有咩誤會，其實係可以好好溝通一下。」
獻唱《結他》的朱博文重提自己崎嶇不平的追夢故事，博文多年前一心打算發展演藝事業，預科畢業後便考入香港演藝學院，同時參加了一個歌唱比賽，但原來學院不容許學生在有合約的情況下讀書，博文放棄學業選擇了歌唱比賽，惟最終還是輸掉了比賽，令人生跌落谷底。博文多年後重拾音樂夢，是為了天上的姐姐，他說：「本身冇再諗過唱歌，但今年3月頭，我姐姐離開咗，今次參加呢個節目，我行返出嚟做呢件事，係希望喺天上嘅姐姐睇到會為我而驕傲。」
（點新聞特約記者陳惠芳報道）
相關報道：
收藏
取消收藏
分享
