【點新聞報道】無綫台慶劇《新聞女王》昨晚（5日）一集演Man姐的佘詩曼因捲入性騷擾風波，被要求革職。
Man姐與佐治（馬國明飾）鬥到「你死我活」，佐治終靠人脈成功重返主播崗位，可惜未幾又再與前度何依婷被爆醜聞，Man姐也被牽涉其中，遭匿名要求被革職。這晚還交代了馬國明與李施樺與分手真相，家妍（李施嬅飾）當年在機場偶遇佐治前妻Ruby（蔡嘉欣飾），Ruby 強調與佐治仍未撇清關係，並指二人通訊軟件依然同步，令原本對佐治投信任票的家妍決定分手，力挽不果的佐治只能一臉慘樣接受。之後家妍拿着他送的錄音筆、在雨中落淚兼反覆錄着「要愛自己」自勉，場面感人；相關場口全程只有45秒，但施樺受訪時透露拍足成晚，單是淋雨也淋了四、五個鐘：「因為有時啲雨太大睇唔到個樣、有時又太細，所以呢段感情戲做咗好多次。落雨拍喊戲，雖然觀眾未必睇到眼淚，但我相信如果係真心做出嚟，觀眾係會感受到嗰種傷痛，同埋落雨出嚟效果淒美好多，我自己都好鍾意呢場戲。」
前（4日）晚出場的鄺潔楹（Judy），J稍後會與佘詩曼有單對單對手戲：「係今年一份好大嘅禮物，因為首先從來冇奢望過會同到阿佘同場、仲要演對手戲！以前都聽人講話阿佘好玩得、好好人，而佢真係咯！我淨係接觸咗佢一、兩日，都feel到佢一啲架子都冇。我有偷偷地睇佢劇本會寫啲乜，我想知咁有經驗嘅前輩功課會做成點。我見到佢劇本嗰度有大堆對白、大概半頁紙，佢會自己重新喺空白位置寫一次啲對白，我相信以佢嘅經驗佢唔使咁做都得，佢對佢自己嘅功課嗰種認真，我真係好佩服。」
（點新聞特約記者陳惠芳報道）
更多閱讀：
收藏
取消收藏
分享
稿件由上傳 · 文責自負 · 不代表本網立場
