【點新聞報道】MIRROR演唱會事故逾一年，受傷舞蹈員李啟言（阿Mo）仍未完全康復，其父親李盛林最近接受訪問，以「嗰12個」稱呼MIRROR。
談及照顧阿Mo的點滴，李盛林亦有感而發：「有啲人話，牧師你個仔搞成咁，你仲要感謝你相信嘅神？我話係呀，我要感謝佢（神），因為唔係神嘅錯導致佢咁樣，係因為人為嘅錯誤，而導致佢有咁大創傷，佢哋要承認呢種錯誤，而唔係罰咗就算，要認真檢視安全性。」Mo爸在兒子發生意外後，重看兒子受傷一刻的影片，觀察到阿Mo被巨屏擊中前的動作有將頭微微傾前，否則將會即場「爆頭」，Mo爸憶起事故仍心有餘悸：「面對自己個仔處境，好無助，我點樣幫佢？又幫唔到」，更感慨表示「如果擊中嘅係其餘23位dancer其中一個，或者嗰12個（指MIRROR）呢？佢哋會點面對呢？」
對於阿Mo傷後治療情況，Mo爸指阿Mo每晚睡眠質素都好差：「佢通常大概11點瞓，然後3點半幫佢轉身，轉身後再拉筋，3點半一直維持到4點半，先可以再瞓，到6點半又再起床，處理個人衞生、換衫，跟住食早餐。天氣好的時候，阿Mo會被安排到戶外曬太陽，之後再開始治療。」他又指阿Mo非常積極做康復治療，對於兒子現時每次治療都行到近500步，他非常感動。
為阿Mo治療的中大醫學院專職醫療服務主任劉敏昌亦有分享阿Mo的康復進度，更指阿Mo每天都接受治療，風雨不改，表現得好積極。治療阿Mo需要用逾10種儀器，其中包括TMS（腦磁激療法）儀器，亦用四肢磁激療法，而外骨骼機械步行訓練則用來訓練阿Mo心肺功能。至於阿Mo近況，劉敏昌指阿Mo現時已不需用尿喉，可自行吞嚥，說話亦沒有問題。
劉敏昌除了讚阿Mo意志力強，亦指Mo爸是真漢子，「特別係So Ching（蘇芷晴）呢個不可多得嘅女仔，我睇到佢好關愛阿Mo，真係對佢無微不至。」
（點新聞特約記者陳惠芳報道）
相關報道：
收藏
取消收藏
分享
