【點新聞報道】在電視劇《新聞女王》中飾演一位熱血新丁劉艷的王敏奕，與吳業坤進入火場採訪這場戲，她曾因被火嚇到真驚慌。
官方的拍攝花絮中，坤哥與敏奕為了拍攝火場內戲份可謂吃盡苦頭，除了要化成「黑面貓」，敏奕更要在真火中來回奔走；總監製鍾澍佳受訪時指雖然現場用的是低溫火，但仍有一定熱度，難怪敏奕拍攝時不但熱到嘩嘩叫，更一度被嚇親露出真實「驚驚」反應，佳導說：「因為啲火都嚟得好突然，所以有幾吓敏奕係真係驚嘅，但佢話咁樣仲好，因為可以畀到真實反應觀眾。」佳導又謂拍攝現場做足安全、降溫及保暖等措施。
敏奕指自覺某些地方似劇中的劉艷：「最近有報道提返我當年衝去學演戲，我都係會為理想不顧一切咁衝嘅人。另一個似嘅地方係我哋都好有同理心，劉艷stupid唔係佢真係蠢，而係佢冇咁多機心，永遠做咗心裏面把尺覺得啱嘅嘢。」敏奕又大讚私下的佘詩曼認真又會照顧別人：「佘詩曼喺我哋開工前驚我哋緊張，約晒我哋出去食飯，等大家認識咗先，好感動，完全感受到佢對呢套劇嘅認真，所以自己都要好努力，唔想成為負累。」
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
