【點新聞報道】叱咤樂壇「我最喜愛的男、女歌手」已進入最後第三階段投票，候選人之一的張敬軒昨晚（27日）突發開IG live，更與fans聯播，為晚上11點仍然在街上為他拉票的fans打氣。直播完後，軒仔更決定親身落到旺角跟「助選團」派宣傳單張，齊齊為選舉奮鬥。
軒仔在直播中謂入選過16次「我最喜愛男歌手」五強，但只獲得一次「我最喜愛男歌手」，「講起上嚟好慚愧。」以往抱住「佛系」心態參選，但今年積極拉票，或多或少都受到過去幾年疫情的影響，「經過疫情，我啲fans、我啲觀眾互動方法唔同咗好多，自己都花咗一段時間去接受呢種韓式應援，我唔想大家使錢、頻撲。」
軒仔分享有一晚在看IG時，見到fans包了一架巴士於港九新界巡遊，不論男女、又或是拖兒帶女為他走到街上拉票，「有啲人會好冷漠咁行過，見到呢幕我覺得好心噏。作為歌手明明應該我自己去做，但要我啲fans咁樣拋頭露面，我覺得好內疚，即使送到我上都愧對大家。我真係冇辦法坐喺屋企坐享其成。」
軒仔又承諾在最後投票階段截止前，會不定時於全港的票站親身落區派傳單拉票，又笑謂：「大家可以當面拒絕我，但最好唔好，我覺得跳出咗我中年危機嘅comfort zone，同大家以一個運動員精神去參與今次頒獎禮。」
軒仔落旺角拉票頓時被街坊包圍，而他亦不停遊走派傳單，呼籲大家投他一票，場面墟冚，除了本地人，軒仔連外國人都不放過，「Please vote for me！」最後軒仔逗留到近12點才離開。
（點新聞特約記者陳惠芳報道）
收藏
取消收藏
分享
