【點新聞報道】近來人氣大熱74歲「光B」尹光昨日（19日）為《萬千星輝賀台慶2023》擔任表演嘉賓，更是他首次演出台慶。
尹光說：「好耐冇返嚟啦，都應該幾多年，疫情都幾年啦！我以前都同TVB有約嘅，都續咗幾年約，跟住就一路唱歌，間中都會上TVB玩做下娛樂節目。」對於首次參加台慶，他直言原來很好玩，不過事前要花幾個月準備，皆因跳舞要跳得齊整，唱歌也要唱得好聽。
尹光稍後會展開巡迴演唱會，將會到美國、內地及澳門等，但開幾場由公司決定。問及會否考慮再返無綫，他說：「我同志偉哥哥（曾志偉）講咗㗎啦！叫我返嚟玩我鍾意玩㗎！」被問到會否考慮接拍劇集，他說：「一定會有興趣，但要畀啲有角色我去做就得㗎啦！行嚟行去入返去嗰啲就唔好啦！最起碼都要有對白，一句就少啲。」
提到入圍《叱咤樂壇流行榜頒獎典禮2023》「我最喜愛的男歌手」十強，他說：「入到十強我已經好滿足啦！如果再入到五強我真係唔夠膽諗。」至於誰是最大競爭對手，他表示：「我唔夠膽諗，我只不過係一個普通歌星，十強嘅競爭對手都好勁，我就係好普通。」被問到時會否出席頒獎典禮，他說：「無論得獎與否都會撐場。（是否準備好戰衣？）未呀要慢慢搵，叱咤要搵啲靚啲潮啲嘅衫，要high啲！」
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
