【點新聞報道】李克勤、炎明熹（Gigi）、許靖韻（Angela），以及歌手陳宗澤（CY）今日（19日）出席馬場活動，克勤與Gigi兩師徒再續前緣同台，並在音樂會中合唱《合久必婚》。
李克勤半年四出表演，單是11月走訪多個城市，香港是第6站。他自言今次在港演出最開心，因為見到好多好朋友，透露明天又要起程往美國開騷，聖誕前都會再飛5、6個地方不停唱，至聖誕才真正休息陪伴家人。提到老婆盧淑儀早前50歲生日，被網民激讚保養得宜、擁天然少女肌膚，克勤說：「佢生日，大家畀面。」
克勤久未同Gigi見面，大讚她有無限可能性：「每次見面都覺得佢長大、蛻變和有進步，不變嘅係佢好得意又可愛，希望TVB能繼續錫住她。（見到Gigi咁可愛，想追番個女？）我年紀大喇！大仔都16歲，所以同Gigi合唱情歌都會滴汗，不過我喺台上係一位演員，但拖手就可免則免喇，希望下次同佢合唱勵志歌。」克勤更自爆在《聲生不息》時，有問過Gigi戀事：「佢話暫時唔會拍拖，佢都冇時間。」
Gigi連續兩天、48小時內旋風式出席4個活動，工作相當忙碌，她表示好喜歡這種忙碌感覺。今日與李克勤再次同場合唱《合久必婚》，Gigi說：「好似好耐冇食飯，可以食餐好一樣，可以同克勤唱《合久必婚》，綵排已有好熟悉感覺。之前演出冇諗過遇颱風，希望下次再與觀眾見面，我12月要考試閉關了，聖誕節後再與大家見面。」
（點新聞特約記者陳惠芳報道）
收藏
取消收藏
分享
