【點新聞報道】臨近一年一度的天貓「雙11全球狂歡季」，TVB聯乘淘寶直播間「TVB識貨」加入戰團。日前舉行的「《公主嫁到》專場」以2010年播出的劇集《公主嫁到》為主題，邀得帶貨真人騷《識貨》總冠軍、《公主嫁到》中飾演川平公主的陳自瑤（Yoyo）擔任嘉賓主持。
Yoyo以劇中四公主川平公主造型登場，凍齡有術的她穿上13年前的古裝戲服依然弗爆，直播期間還大啖大啖試食，盡顯真性情。Yoyo笑言：「穿上當年戲服後回憶返晒嚟，今次好開心有呢個主題，完全係我個角色四公主嗰套衫，可以做多次個角色！」她又透露曾是「古裝常客」，「現場環境好配合，有宮女又有掌櫃，背景又鑼又鼓，好搞笑。近年公司（TVB）少咗開古裝劇，以前我係古裝常客，今次可以止古裝癮！」
談到再穿同一戲服時看起來比當年鬆身，Yoyo笑言：「近日太忙輕咗幾磅，同埋今日件衫可能又扣鬆咗。」她憶述當年拍古裝，服裝姐姐會出盡力為女演員們包得更緊，讓造型看上去更漂亮：「當年我其實都唔鍾意太緊，鍾意鬆身啲，嗰時拍古裝劇都食唔落嘢，天氣又熱頭飾又重，所以今次我淨係要求頭飾唔好咁重。」
（點新聞特約記者陳惠芳報道）
相關報道：
收藏
取消收藏
分享
