英國的天氣於11月其實是深秋，但有移民英國的港人日前在網上大呻，已經出咗第一粒凍瘡，帖文隨即引來同病相憐的網民圍爐訴苦。有指今年英國入冬後可能會比往年同期更冷，睇怕佢哋都會幾難捱。
該名移英港人在fb群組「英國香港人生活交流區」發文設凍瘡揮手區，大呻自己上星期已經出咗第一粒啦，話之前兩年冬天出過去等到天暖先好返。有網民嚇了一跳，問「而家都未係好凍，咁快生凍瘡?」帖文引出不少網民訴苦，有人話「我已經住喺South Wales都出凍瘡，身體弱雞，洗面洗碗都有戴手套」、「我腳趾都生了」、「無乜痕啊，但係腳趾公指甲好痛」等。
圍爐的網民更提出不少偏方，如「用蘿蔔皮加頭煲水唔好溝水浸手」、「每晚浸下腳等D血氣好D，同埋着襪保暖」，有人則指「暖氣同洗碗機錢係真係無得慳，呢頭慳完個（嗰）頭拎錢去買藥」。
收藏
取消收藏
分享
