【點新聞報道】星格流行音樂學院主辦的《MM7星戰演唱會》昨晚（10月30日）假旺角麥花臣場館舉行。最終由曾參與《聲夢Junior》的Jasmine奪得「明日之星大獎」，炎明熹更到場支持，為學員打氣。
第二屆《聲夢傳奇》總冠軍任暟晴與組合XiX同樣來自星格，她們分別為演唱會擔任表演嘉賓。穿黑白短裙的任暟晴甫一出場即惹來全場歡呼。任暟晴亦說好開心回「母校」演出。「見到星格愈嚟愈多學員，仲要個個都唱得咁好，真係好犀利，我都會繼續努力。」XiX載歌載舞獻唱《SiS》，為現場添上青春活力氣息，台下更是尖叫聲不斷。XiX感謝樂迷的支持，她們說：「好多謝大家咁支持我哋第一首派台歌《SiS》。由我哋參加比賽到出道，有一個人由頭陪到我哋落尾，佢都畀好多鼓勵同安慰我哋，嗰個人就係Cleo老師！」
大師姐炎明熹壓軸現身為眾師弟妹打氣，大會向她頒發「星格十年最佳學員獎」以示鼓勵。她在台上分享得獎感言時，「希望你哋都享受喺舞台上演出！我好開心喺星格學唱歌，喺對的時候對的人做對的事情，呢個對的人就係Cleo老師。我好依賴Cleo老師，因為上佢嘅課堂好有安全感。」Cleo再次被感動得眼濕濕，她大讚炎明熹無論面對任何正反面的意見，永遠抱着最謙虛的心：「佢真係希望每次都可以進步啲啲、進步啲啲，今日見到佢終於有啲啲成績，我好開心。」剛才笑言自己有少少堅強、沒有流淚的炎明熹，被老師的說話打動，終於忍不住流下感動的眼淚。
（點新聞特約記者陳惠芳報道）
收藏
取消收藏
分享
