【點新聞報道】麥明詩早被指疑似與緋聞飛機師男友盛勁為共遊沖繩，她今日（30日）與林德信（Alex）身穿瑜伽服出席活動，並即場玩瑜伽。她自爆平時稱男方為BB，默認戀情。
問到麥明詩平常怎樣稱呼男友，麥明詩就突然怕羞地甜笑表示「BB」，但隨即又話講笑，更反問是否能刪掉「BB」，問到何時開始叫對方做BB時，麥明詩表示與男友從未入行已相識，後來因疫情時在機緣巧合下與對方變得熟絡：「我哋都走過咗疫情，但你話幾時好難界定，（兩年？）我唔識計，條數好難計，我個人比較循序漸進，所以好難好清晰咁去界定。（幾時第一次拖手？）我哋啲次序唔係咁行，大概疫情嗰段時間咁上下，因為佢留喺香港時間比較多，但詳情你要問番佢（盛勁為），因為我怕我喺一廂情願，怕原來佢唔係咁諗。」
麥明時指現階段過得很開心，因過去兩三年自己也少在公開場合露面，所以有更多空間去建立感情基礎，也可以更清楚地看兩人日後如何發展。問及何時結婚？麥明詩又再怕羞地說：「我年紀唔細，所以都會諗呢啲問題，都會傾。（求婚未？）呢個唔係重點，重點係大家有共識朝着呢個方向，但未有實際時間。」麥明詩又指男友有四兄弟姊妹，考慮多生幾個BB讓小孩有伴，政府又有2萬生育鼓勵金，加上他們兩人都有工作，相信養四個孩子也不難。不過，到時要找從事教育的媽媽幫手湊仔。
（點新聞特約記者陳惠芳報道）
收藏
取消收藏
分享
