英媒報道，近日劍橋郡水道充斥大閘蟹，包括惠特爾西(Whittlesea)的運河和彼得伯勒(Peterborough)的尼尼公園(Nene Park)。有居民更曾目睹大閘蟹在彼得伯勒橫過馬路，形容景象「奇異」。人在異鄉的港人一見報道，立即蠢蠢欲動，在網上圍爐話要組隊捉野生大閘蟹，「滅絕」牠們喎。
英國各地都已確認出現大閘蟹，包括紐卡斯爾、曼徹斯特、斯旺西、格拉斯哥和布萊頓。不少移英港人想到大閘蟹橙紅色蟹膏，立即食指大動，紛紛在網上出謀獻策，指「大閘蟹要食咗佢㗎，響條河佢都冇天敵，唯一嘅天敵係人會balance番個生態平衡」，認為「老外想得太多了，但凡背脊向天都可以食落肚，實大把愛好者當佢係寶，食晒佢、食晒佢、食晒佢」。
有網民建議「可唔可以組隊去捉」，即有人響應，話「喺河邊個蒸爐」、「我有醋」、「邊到有紫蘇葉賣」。有人更指是「大生意」、「撈起來賣」、「一路捉一路賣」咁話。
至於當地為何無人捉大閘蟹來賣，據悉，大閘蟹並非當地可合法作魚獲出售的品種，不得活捉轉售供人食用。
收藏
取消收藏
分享
