【點新聞報道】馬國明早前與未婚妻湯洛雯甜蜜遊玩法國，逛名店時更被網民「野生捕獲」，有指靚湯逛街時一度黑面。日前馬國明返工繼續為劇集開工，在接受訪問時親認到當地拍婚紗照，但否認靚湯黑面，相反是非常開心。
馬國明說：「佢估唔到去到法國搵到一啲，香港排隊都唔會有嘅嘢，喺法國又畀佢排到，仲即刻買到，但係法國人節奏真係好慢，佢哋做嘢好relax、好悠閒，所以好多時都要等，但我哋香港人生活節奏好快，就成日諗『得未呀』『咁耐嘅』，我哋心諗仲要等幾耐㗎，大家睇畫面以為好嬲，其實好開心。」
馬國明又指聘請了當地攝影團隊拍攝婚紗照，更大讚靚湯：「佢係好靚！我哋法國影咗6、7套衫，全部都好靚，佢宜家係頭痛點揀啲相，我就覺得一來佢又fit咗，二來佢揀啲衫又好襯巴黎個環境，所以佢真係好靚。」
（點新聞特約記者陳惠芳報道）
相關報道：
收藏
取消收藏
分享
