【點新聞報道】古天樂在過去3年疫情未有同fans一齊慶祝生日，下周六（21日）53歲生日的他，今年終於可以再次聚會。前晚古天樂在沙田舉行了一個盛大派對，筵開60席跟粉絲們提早慶祝，每年生日都在古天樂身邊的古媽媽亦有出席。切蛋糕的時候，古天樂搞笑稱媽媽為「利孝和夫人」，引來一片笑聲。
古天樂今年生日會，邀請了不少前輩的藝人與及長輩們出席，當中包括胡楓、連炎輝、佘詩曼媽媽、吳君如媽媽、TVB廚後三姐（蕭秀香）、監製徐遇安和馮素波等等，馮素波事後亦貼上一張抱抱合照並說：「古仔，謝謝你，對我們的溫馨和支持，祝你生日快樂，萬事如意！」古天樂在台上恭祝大家身體健康並說：「嚟緊都會開番啲團拜，喺呢3年大家都經歷咗好多嘢，經歷要戴口罩嘅日子，但《明日戰記》上映之後，多咗好多老婆。」
寡言古天樂，生日會上心情大好滔滔不絕。他自爆每日都有在fans的討論區留言，且發生了趣事：「我再講一次，我唔知點解你哋留言話出面有人話冒認我，咁你都唔識分？點解走嚟嗰啲，問我係咪AI？係咪AI答？之前有個小朋友話佢生日，問我可唔可以同佢講生日快樂，呢個都係我嚟，其實呢3年，我都有睇大家嘅留言，亦都有回覆，但係有啲直情寫信嚟畀我，係投訴我話點解『老公』唔理『老婆』？又問點解欺騙佢嘅感情？呢啲咪冇辦法回覆，咁係冇用㗎，疫情已經過去，一切已經過去，好好哋面對將來喇，OK？」
生日會開始前，現場有兩頭醒獅走到古天樂面前送上旺氣和祝福，接着台下粉絲和席上賓客齊齊唱生日歌，但個個唱到甩Beat，古天樂笑笑口說：「你哋睇下我阿媽，成個利孝和夫人咁企喺個蛋糕前面，等你哋唱歌，你哋唱到咁嘅？」接着古天樂邀請賓客們輪流上台大合照，至於生日願望，古天樂說：「最緊要係身體健康，大家珍惜眼前所有，珍惜每一天。」
（點新聞特約記者陳惠芳報道）
收藏
取消收藏
分享
