移民外地不一定風流快活，反而有不少難關要面對，網名為「香港老師也移民」嘅移民英國「黃師」，近期不斷在社交平台「放負」，自爆在職場上畀人恰、「四日喊咗八次」後，日前再吐苦水，話「覺得自己患上咗輕微嘅驚恐症！」將自己啲慘事放上網，無非都係想圍爐取暖，博取網民抱抱囉。
該名移英「黃師」連日發帖文表示，最近太多事情發生，覺得自己患上咗輕微嘅驚恐症！即係突然之間冇原因地會好驚好擔心喎。她指「而家我每日/隔日都會有一次，冇原因地驚恐症發作，而喊少少出嚟」、「頭先坐車返屋企，我啲眼淚無啦啦不自覺流咗出嚟，真係冇特別原因」。
她惟有自我安慰話，「知道自己會好返㗎，好彩我仲可以返工同行得企得食得瞓得！」，指自己「需要一啲時間，不過我相信自己一定會冇事」喎。
收藏
取消收藏
分享
