「常餐送掛鈎！」有港女近日在fb群組「中伏飲食報料區」發文指，日前在奧運一間便利店購買熟食常餐作為早餐，豈料打開進食之際，竟發現咖哩撈烏冬內藏一個S形鐵掛鈎，大呻「好日唔幫襯一次，一買就中招！係咪可以報食環？」
帖文旋即引起網民熱議，有人直指離譜，「咁大個鈎淥面嗰位都睇唔到？佢當時做緊咩？」、「賺咗了，個鐵鈎都值兩三蚊」、「離X晒譜！咁細兜都睇唔到？」、「碗嘢咁細..咁大嘅鈎都睇唔到，唔係吖嘛」。
不少網民發揮創意爆笑留言，指「碗嘢係唔係叫做清湯掛麵？」、「憑乜嘢大家畀一樣價錢，你嗰碗就有禮物送」、「係咪個店員暗示掛住妳」、「唔係中招，係中咗降！不銹鋼！」「佢知你唔夠鐵質」、「阿姐搵緊個鈎，好快啲拎返去」。
收藏
取消收藏
分享
