【點新聞報道】人在異鄉，其中一樣最難適應的地方莫過於要重新尋找工作。一名移民英國約一年半嘅中年港男日前在網上發文指，接近50歲人喺呢度重新適應，其實好多嘢都有啲困難，都要靠自己努力一一解決，特別提到最困難係搵工，直指「搵工呢樣嘢，真係搵到你懷疑人生」。
該名移英中佬在fb群組「英國香港人生活交流區」發文分享喺當地搵工嘅真實現況，指計過條數，自己寄咗532份CV(履歷)，聯絡過54個recruiter(招募員)，但查實招募員幫到你嘅乘數大約得30%，好多講完一堆廢話之後都係冇下文。
至於份CV要點寫，中佬話都唔記得自己執咗幾多次，每次都有啲嘢加減，淨係玩format都玩到傻，而好多人話好需要嘅Cover letter(求職信)，佢就覺得效用一半半。另外，據他經驗所得，當地好多的搵工網站都係「廢」㗎喎。
他指，自己每一日都會收到email「unfortunately you don’t goto next step... ...」，但就千祈唔好灰心喎。他認為，搵一份同自己行業相關嘅工，唔好太介意個人工，開始咗先，跟住就會慢慢搵到啲越嚟越好嘅 offer㗎喇。他話，自己差唔多用咗九個月，先至搵得到一份算是穩定，可以做返本行IT admin嘅工作。
收藏
取消收藏
分享
稿件由上傳 · 文責自負 · 不代表本網立場
