張致恒(Steven)與太太區燕雯（雯雯）曾多次傳出離離合合，不過，二人四年抱四，已是一家六口了。孻仔上月出世後，Steven宣布做結紮手術，話要為頭家負上最大責任。日前他就身體力行，被拍到「一打三」湊着3名兒子搭地鐵，更不時低頭看着三子，一臉慈父神態。有網民讚揚他有承擔、「佢肯做嘢，肯湊小朋友，而家仲肯紮埋，我覺得佢好過同正面過好多人例如佢老婆，希望小朋友可以正常健康生活」。
有網民近日在港鐵車廂「捕獲」正在湊仔嘅Steven，並將相片分享至社交平台，從相片可見，當時車廂內非常多人，頭戴鴨舌帽的Steven將1歲多嘅三仔孭在身前，一手緊握扶手，另一手扶着坐了大仔和二仔嘅BB車。
發文者取笑Steven是「紮咗的男人」，結果反遭網民斥他騷擾Steven，「放過人啦，我認為好有父愛，完全無問題」、「人哋仲有細路要養，都要俾條生路人哋做回普通人」、「肯帶住個小朋友搭地鐵，好過有啲人地鐵都唔識搭啦」。另有網民留言讚揚他有承擔、好有父愛，「多數網民影到他，都是帶孩子和工作，放下身段咩工都做，佢算係咁，起碼知佢有責任心嘅父親。」
收藏
取消收藏
分享
