【點新聞報道】領賢慈善基金（FIF）「紙藝詩翩」慈善晚宴昨（23日）晚舉行，應邀出席有陳寶珠、梅雪詩、張敬軒、楊千嬅及莫文蔚等。當中以身穿黑色透視裙現身的莫文蔚最為性感。
身為文化藝術大使的張敬軒指，FIF是很有心將香港藝術家帶到國際的機構，他亦希望將其他國家的藝術家帶到香港做文化交流。今年中秋節，將是他人生中第一次約朋友打機度佳節。他又談到最近愛上體育，小時候如街童的他會踢足球，後來加入娛樂圈再沒接觸。最近突然想起當年踢波的日子，打機之外更落場踢波。他說：「我的朋友以前喜歡打牌，現在鍾意踢足球，我又落場玩，但仲未找到踢邊個位置，佢哋話我暫時嘅狀態係做啦啦隊，未可以落場踢。我小時候做過前鋒，不過已是30年前的事，提議他組英皇足球隊，他笑指怕不夠人踢，但可以搞男女混合：「衛詩雅都踢得下，再搵Mani（霍汶希）做領隊。」
莫文蔚透露剛與老公歐遊兩個月，回港後便開始工作，下星期將會推出三國語言的新歌， 並指這首歌風格與以往不一樣：「呢隻歌醞釀咗兩年，我有份創作，之前同朋友一齊食飯突然有靈感，就話不如一齊寫歌，之後就即刻攞電腦一齊作咗隻歌，後來因為疫情未穩定，所以拖到今年先出。」
楊千嬅晚裝中門大開，身形fit了不少。她說因為5月已開始舉行巡迴演唱會，可能因此而消瘦。她現時除了工作外，亦享受家庭樂及籌備新的廣東歌，雖然做巡迴演唱會疲累，但亦覺得開心，因為可以專心做一件事之餘，亦多了私人時間。楊千嬅演唱會暫時排到明年2月，問到是否豬籠入水，她說：「又唔係嘅，有得唱就唱，人開始大，體力上保持到的話都想盡量做自己想做嘅嘢。 」
至於兒子Torres是否有投訴她太忙？她指11歲兒子剛升中一，長大了不少，雖然功課多了很多，但他很自律不用她擔心。她說：「我好安慰，佢比細個嘅時候定性啲，會規劃好自己嘅schedule，佢企理過我，似Daddy。」楊千嬅又大讚兒子同學間的氛圍很好，令兒子會想做得更好，他暫時嘗試留在上海讀書，將來如何看他決定。問及Torres是否有女友，千嬅即說：「有都唔講，唔好話係女朋友，就算係朋友，你都唔會第一時間話畀你阿媽知。（與你討論女同學？）佢同我討論地理，我梗係唔識啦，咁咪話題完結，叫你唔好問囉。」至於會否讓囝囝拍拖，千嬅則表示：「我諗佢未跳到嗰個階段，而家佢首先有自己社交圈子 ，同學之間有好多話題討論，談天說地我哋控制唔到。互聯網咁發達，佢哋想知嘅嘢我哋阻止唔到，我只能夠做嘅係幫佢分析邊啲係正確，邊啲有問題又或者係未適合佢聽。」
性感的莫文蔚，今年是入行30年，她興奮表示稍後將會有一個個人小型展覽，到時將會展出一些個人物品，其中一樣是在20多年前影的限量版寫真集：「好多人未睇過啲相，而家科技發達好多嘢玩，用新嘅手法去呈現返以前嘅作品，幾得意。」莫文蔚又指莫媽媽剛過了84歲生日，所以近期也會留在香港陪伴媽咪。
（點新聞特約記者陳惠芳報道）
收藏
取消收藏
分享
