小心禍從口入！有網民在網上分享恐怖經歷，指日前於一間日式餐廳食燒肉放題時，食到一條藏有一大堆「長條狀」疑似寄生蟲的西京油甘魚，且數量驚人，嚇得事主馬上吐出來，惟向店員反映後，對方卻卸責話「來貨問題」。不少網民表示「睇相都想嘔……」建議事主向食環署舉報，「咁多蟲真係好可怕，確保食物質素係餐廳責任，應該由佢哋同供應商一同承擔」。
有女網友日前fb群組「太古社區關注組專線」發帖表示，晚上與老公前往太古城一間餐廳「炎XX」食燒肉放題，點了$318美國牛肉套餐，而令她驚嚇的就係一份西京油甘魚，直言燒之前已經覺得個樣嘛嘛唔太新鮮，燒完同老公一人一半，「我食咗一啖有啲腥，之後老公撩到一條好似蟲嘅物體，點知再一撩，嚇到我口裏面嗰啖魚立即吐埋出嚟…有勁大渣蟲喺魚入面…」，並附上多張相片為證。
從相片中可見，魚內明顯有甚多條長條管狀，疑似絲狀蟲的物體，呈暗啡色，甚為恐怖。事主立即向店員反映，惟對方「只係講左句呢啲係來貨嘅問題，我哋控制唔到…就咁話換個舊魚畀我哋」，事主當下拒絕，最後埋單$700。
事主表示，之前曾經於該餐廳食過一次lunch ，形容「不過不失」，但因為區內沒有太多燒肉店選擇，當下又好想燒肉，所以當晚再去試下放題。經歷過今次事件後，她表示「只可以講冇下次...提醒大家想食燒肉都唔好幫襯呢間，我相信太古有勁多更好嘅選擇」。
帖文引起網民熱議，原來該餐廳已經唔係第一次，有網民留言表示「我幾個月食過又係有蟲，個侍應又係話來貨問題，唔關佢事，之後我black list咗佢」，有網民直斥「餐廳沒有責任感」、「即明知啲貨有問題仲繼續用」，「原來係慣犯，唔怪得咁冷靜可以當冇事發生」，「咁真係要報囉，無可能可以咁架喎」。
收藏
取消收藏
分享
