【點新聞報道】歌唱真人騷《中年好聲音2》周日（17日）播出第二集，繼續是首回合爭入60強的比賽。今集40歲的黃劍文較為觀眾認識，報稱是自由工作者的他是歌唱比賽常客，並曾以創作歌手身份推出個人專輯。
獻唱《閉目入神》的黃劍文，一開口便獲肥媽大讚：「我極鐘意佢把聲。」張佳添說：「唔少人都認識你，我一直覺得你把聲好值得喺香港畀多啲人認識，希望你把握呢個機會。」在海選一鳴驚人的顏米羔今集亦會登場，42歲的他獻唱張學友的《望月》贏得好評，張佳添說：「你畀我嘅感覺係張學友加黃貫中。」
女唱將方面，被封為「龍婷2.0」的鍾維繼續以招牌旗袍look登場，39歲的她聲線激似鄧麗君，她獻唱《償還》，肥媽大讚：「你有鄧麗君嘅唱腔，但你有自己嘅style，you are so charming，呢個係你發自內心嘅嘢，冇人可以攞得到。」孫耀威胞妹孫美賢亦於今集出場，43歲的她選唱《執迷不悔》，更被肥媽笑指：「你同隻歌一樣都係執迷不悔，係都要揀首難度高嘅歌！」孫耀威亦有現身為妹妹打氣，他在台上笑說：「佢其實好enjoy今次比賽，佢話呢個台識轉，卡啦OK邊有呢啲嘢吖！」
今集同樣有熱血追夢故事，來自馬來西亞馬六甲的陳慧智隻身來港比賽，報稱從事網絡內容創作的她因收入有限，每次來港的花費對她來說是很大負擔。她獻唱《是否》期間忍不住落淚，「第一次聽呢首歌係爸爸帶我去睇歌唱比賽，但我爸爸已經過咗身，佢之前中風變咗植物人，癱喺床度一年半先至過身，覺得好心痛。」肥媽被陳慧智的真摯歌聲感動，她說：「一路喊一路唱歌係有難度，咁樣我哋先feel到你唱歌嘅感情！」
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
