夏天天氣炎熱，腳底多汗易致腳臭，不僅破壞個人形象，還會為共處一室的人帶來困擾。近日有打工仔在討論區大呻，返工時「成日聞到有陣鹹魚味」，最終發現氣味來自一位女同事，更發現對方「喺枱底見到佢喺到捽腳趾，一地都係腳皮呀」，懷疑對方有香港腳，感到十分崩潰。
樓主在香港討論區以「[職場辛酸史] 腳臭好心唔好着涼鞋返工」為題發文，指公司沒有規定員工必須穿密頭鞋，所以夏天多了同事穿涼鞋返工，但「呢幾日成日聞到有陣鹹魚味」，一直找不到源頭，仲「以為邊位同事搬咗入大澳住」。直至樓主要俯身拾物時，意外發現一位女同事疑似有香港腳，「喺枱底見到佢係到捽腳趾，一地都係腳皮呀」、「仲要隔成張枱都有陣鹹魚味」，不禁慨嘆「腳臭我都知佢唔想，唔通佢真係聞唔到自己有腳臭？」
帖文引來不少網民討論，有人認為「佢如果唔着涼鞋可能仲臭」，亦有人建議樓主暗示下，「寫匿名信講畀佢聽你嘅感受」、「向人事部投訴」、「買包浸腳藥粉畀佢，曲線投訴佢腳臭」、「買樽『愛膚堅』畀佢。有效」等等。
收藏
取消收藏
分享
稿件由上傳 · 文責自負 · 不代表本網立場
