個個對移民充滿幻想，但唔少港人赴英後先知現實很骨感！最近有移民英國的港男在網上發文話，雖然自己住在倫敦，但相比起香港仍若有所失，尤其睇到在港班朋友各種的娛樂為甚，令他不禁想索性回流，話寧做「港豬」、「擁抱大灣區」好過。
該名移英港男在fb移民討論群組發文問：「其實點樣先可以過返舊時香港嗰種五光十色嘅生活?」佢話自己到英國頭一年，因去錯地方完全適應唔到，之後搬去倫敦，但同有齊一切所需嘅香港相比，仍然缺乏咗唔少嘢。佢提到，尤其係睇到仍然在港班朋友的各種娛樂，喺倫敦根本唔存在，令佢諗會唔會索性回流，做「港豬」、「擁抱大灣區」算數好過。
有網民留言指「書展、動漫展、狗展、蔴雀、唱K、鬼節、許願樹、滿天神佛、老蘭、消夜、廟街、富士大廈、砵蘭街⋯⋯⋯⋯香港真係乜都有⋯⋯⋯」、「智智返香港啦，佢明明唔鍾意英國」。
對於港男忽發奇想話，如果有個British Values(英國價值觀)嘅Commonwealth(聯邦) 城邦國，好似當年英屬香港咁嘅，佢就會希望移民過去，仲問馬耳他係唔係喎。有網民反諷「香港人已經放棄咗城邦論」、「不如又試下移民去馬耳他，咁咪知道係唔係囉」。
收藏
取消收藏
分享
