【點新聞報道】新劇《你好，我的大夫》，將接《破毒強人》8點半翡翠台播映。蔡思貝、何廣沛在劇中飾演中醫師，由於在劇中有不少把脈、針灸、推拿等場景，兩人事前獲劇組安排學習中醫知識。
在《跳躍生命線》和《白色強人》分別飾演過救護員和西醫的廣沛，受訪時坦言中醫師比較難演，他說：「角色嘅對白係非常難，有好多學術上嘅用詞、四字成語同埋藥材名，都真係幾蹺口巉手，所以背劇本要花好多功力。」提到難忘的場景，廣沛笑言：「第一次畀游嘉欣針灸，大家都好慌失失，游嘉欣仲針到唔見咗支針，情境都好搞笑！之後有一場戲係我幫思貝針，咁啱嗰場戲要喺個難啲嘅穴位到施針，搞到NG咗好多次，我都好唔好意思，因為拮咗佢好多次！」思貝則以「自針」來感受針灸感覺，她說：「其實只要夠狠一吓針落去，唔好慢慢落針，個痛感只係好似畀人細細力咁搣。」
蔡思貝與何廣沛首次合作，彼此互讚對方是好拍檔。廣沛大讚思貝是好拍檔。思貝今次一改以往短髮型格造型，以中長髮仙氣Look大晒女人味。她還自揭「長髮的秘密」：「開呢套劇時頭髮仲未夠長需要駁髮，但呢個係好頭痕嘅事，因為要每日都Make Sure個長度係咪連戲。短頭髮我都唔係唔鍾意，因為容易畀人認得，但我都好鍾意百變嘅感覺。」
（點新聞特約記者陳惠芳報道）
收藏
取消收藏
分享
