提起九龍城聯發茶餐廳，相信唔少人都知道佢最出名嘅係炭火叉燒飯，一碗叉燒飯$98。不過，近日就有網民分享在該餐廳吃了炭火叉燒蛋飯，但叉燒無燶邊，且無炭火甘香，埋單連咖啡承惠$124！帖文一出即惹起熱議，不少網民狠評餐廳「劏客」，建議去投訴違反商品說明條例。樓主不禁想「係咪真係要北上消費」認為香港店家應比啲誠意出嚟香港先可撐下去。
該網民在fb「香港茶餐廳及美食關注組」發文，並上載兩張相，分享日前幫襯九龍城聯發茶餐廳的經歷。他指侍應送上所謂炭火叉燒蛋飯$98時，令他呆着望住「炭火真係架咩」，但樓主無出聲本想照食算吧，點知，「老闆經過見到碗野知衰」話叉燒有問題換過給樓主，於是樓主一心再等諗住食好西，結果換來的另一碗跟本是「$30蚊燒臘飯質素」。樓主重申自己不是什麼食家，但只知炭火燒烤會有些少黑色和燶燶地的，而今次消費叉燒蛋飯加咖啡，承惠$124。
帖文一出旋即惹起熱議，樓主坦言只想分享下當時心情，無諗過出posts30分鐘已經過百留言，直指「本身諗住留港消費支持下香港點知結果係咁！係咪真係要北上消費？香港店家門比啲誠意出嚟香港先可撐下去」。
收藏
取消收藏
分享
