日本罔顧全球人類生命健康傾倒核污水的行為，嚴重打擊香港市民對食用日本海產的信心。化學系博士K Kwong（鄺士山）早前就在社交平台發文，列出10條Q&A，話自己不怕福島核污水，會支持繼續吃日本魚生，叫人唔好同佢爭。帖文引來網民熱議，有網民表明唔同意，直指「唔好為反而反」、「不要誤導人，害人！」
K Kwong在帖文分享了自己對日本排放核水和吃魚生的看法，話唔怕日本排放福島核污水，因為濃度低；個人亦不支持政府禁日本10個縣海產品，話係「搵嘢嚟做」。不過，認為禁令對他「冇乜影響」，因他一向好少係香港食日本料理，因為貴過日本好多，亦冇咁新鮮，仲話「我會飛去日本食！唔好同我爭！」對於有質疑「係咪你自己唔怕死咋？」，他就話「我個孫都食日本生果喎！」
K Kwong認同日本東海有地震風險，「所以積埋咁多污水唔係好事，我驚佢啲核污水未排晒就再一次『東海大地震』，咁就一次過乜Q未處理過嘅污水就排晒落海，全球漁業真正大鑊」，但他表示，「我短期內會再去日本玩，唔好同我爭！」
K Kwong又再三指出，核污水唔會影響日本生果，「海嘅水係上唔到陸地灌溉系統嘅」；氚同碳-14唔會永遠留係身體內，「佢哋生物半衰期得幾日」。對於網民質疑「如果啲水冇事點解你唔攞嚟飲？」，K Kwong就話「係經過海水稀釋咗嘅水無事，即濃度低到冇影響，但係我唔會飲海水。尿都冇事我都唔會攞尿嚟飲喎！」。
帖文引來網民熱議，有網民表明唔同意，指「政府先禁十都縣既食物係正常做法，唔好為反而反」；有人指「請不要以為自己是最權威、最有料的科學家！自己年紀大，唔死都大半世啦！不要悟導（誤導）人，害人！」、「你咪去囉，關我X事咩？三九唔識七，你要死唔俾你死咩？不過你打編（篇）嘢出嚟，啲傻人真係跟你而出事，你落一萬次地獄都唔夠」等等。
收藏
取消收藏
分享
