茶餐廳「九龍冰室」繼續打着黃店旗號，在英國修咸頓市中心重開，惟老闆卻爆出疑似因移民棄養柴犬，更拖數狗場四萬元。事件在社交平台連日發酵，不少移英的港人網民鬧爆「棄養冰室定係唔找數冰室呀」、「依種失敗之人唔打黃店旗號點cap多D水」、「真係好PK，咁都做得出，唔找數仲要棄養...人嚟㗎」。餐廳其後將留言功能關閉，網民直指「閂咗留言功能，身有屎啦，諗緊點拆彈啦」！
網上社交平台日前出現通訊截圖，顯示有一名移英的「呂太」向狗場負責人「豐哥」表示「星期五我叫咗朋友吳小組來接叮噹（柴犬的名稱），她已幫叮噹買了機票來英國......；另外，照顧叮噹的費用我老公會匯錢返香港入比你......」。然而，另一則截圖顯示，「豐哥」發的追數帖文「叮噹狗主，麻煩你盡返狗主責任，盡快過返數俾我」，又指已聯絡到當日接走叮噹的吳小姐證實叮噹仲喺香港。
根據「豐哥」和吳小姐的對話內容，可見「呂太」移英前把柴犬寄養狗場，收費為每日60元，「豐哥」幫對方養咗22個月，即費用約39600元，但至今時今日一毫子都冇收過，指對方「走我數唔肯過數」。而吳小姐亦同樣表示「我都驚冇機票錢收」。
事件在網上平台持續發酵，有網民發現此「呂太」疑似是「九龍冰室」的老闆娘，紛紛留言鬧爆「唔該你呢間餐廳所謂嘅老闆做番有責任的狗主啦！積番些陰德！自己成家就走嚟英國留低隻狗喺香港狗場寄宿，又唔畀錢！仲點叫人幫襯你呢D冇責任心嘅舖呢?」
對於餐廳取消留言功能，有同為移英的狗主直斥「閂咗留言功能，身有屎啦，諗緊點拆彈啦，有90%似同一個人囉...走數棄養好PK，上年我哋用咗23個鐘，轉咗兩次機，搭咗9個鐘車都要帶埋12歲嘅狗狗嚟...打住黃店旗號做埋D喪盡天良嘅嘢...瞓得着嗎？大家一齊PM佢問下」。
收藏
取消收藏
分享
稿件由上傳 · 文責自負 · 不代表本網立場
