【點新聞報道】MIRROR成員Jer（柳應廷）及Jeremy（李駿傑）與肥仔（梁業）在將軍澳合資的高級日式餐廳開業大半年便關門大吉。傳聞3子欠下食物供應商及員工薪酬連遣散費合共逾200多萬，有指3人更被貼街招追數。
肥仔今日（24日）與周家怡出席MakerVille原創劇《反起跑線聯盟2》拜神。肥仔被問到可受事件影響心情？他說：「又唔會太大影響，因為生意冇話一定賺，當係攞經驗。（是否拖欠200萬？）交咗畀律師處理，唔方便講太多。（蝕了幾多錢？）唔講喇，當係買教訓，攞個經驗，記住做生意係一定要親自落場。（經驗好貴？）要抱住可以搵得番嘅正面心態。（怕咗做生意？）呢啲之後再算。（對經濟有無影響？）接受嘅。」他又笑言會努力賺錢。
不過，他坦言與Jer、Jeremy心情難免受到影響，但最緊要抱着正面的心態，才不會影響藝人工作，而三兄弟的感情，肥仔表示「更齊心，有今生無來世。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
