的士司機按錶收費，價錢明碼實價！有的士司機近日在網上分享遇到「搲折」乘客，指該客人用電召的士App叫車，到達目的地後，司機便按錶收取車費，客人隨即感到不滿，指以往也有折扣，更與司機在車上爭持，最後司機一句「唔係正價我做乜接你個call呢？」氣走對方。不少行家同網民大讚司機反駁有理，批評該乘客「短途都要折，肉唔肉酸啲」、「西客何其多」，「寸得好呀，係都要俾人寸下先知錯」。
該的士司機日前於fb群組「的士乘客及司機行為分享區」發文，指最近接載一位叫的士的乘客，到達目的地後，咪標顯示「$121.X」，遂按錶咪標向乘人收取$121車費。豈料，對方即問「乜唔係有折㗎咩？」，司機回應「呢張係正價單嚟㗎喎」。
乘客感不滿稱「不嬲call開都有折」，要求司機給予折扣，司機反指有叫車紀錄作證，「使唔使教你睇返個call車紀錄」。乘客反駁「冇折我做乜要call車呀？」司機旋即回以一句「唔係正價我做乜接你個call呢？」乘客最終敗陣，但疑不滿司機回應，下車時大力地關車門。司機則在帖文指，當下「心有一點點涼！」
收藏
取消收藏
分享
