【點新聞報道】岑麗香日前與四歲半大兒子，參與「身心動力PowerUp親子瑜伽班」，與多位家長及小朋友同場進行親子瑜伽。首次跟囝囝一起做瑜伽的香香備受考驗，皆因剛由加拿大探親回港的囝囝因未適應時差關係，全程小樹熊般黐實香香。
熱愛瑜伽的香香參與瑜伽班當然難不到她，不過首次跟囝囝合作做瑜伽，香香坦言受考驗：「一直喺屋企都有做瑜伽，仔仔見到會好奇一下，我都會問佢哋想唔想join。今日終於第一次同囝囝跟老師一齊做瑜伽。」活動期間，受時差影響的囝囝睡眼惺忪，全程攬實香香，令香香大受挑戰，香香一臉慈母表示：「其實我冇expectation，因為佢咁細個，目標唔係要做到完美動作，反而想佢可以同我做下運動、開開眼界，畢竟我哋剛由加拿大探親返港，佢仍有少少jet lag，今朝凌晨四點已起身，之後只瞓咗半個鐘晏覺，所以佢表現算非常叻叻！」
（點新聞特約記者陳惠芳報道）
收藏
取消收藏
分享
