【點新聞報道】草蜢「RE: GRASSHOPPER 草蜢巡迴演唱會」來到馬來西亞雲頂，由於門票迅速搶購一空，主辦單位決定加開一場滿足粉絲。
相隔四年再到當地演唱，歌迷熱情不減，整晚揮動熒光棒，一邊尖叫、一邊和唱，氣氛高漲。「疫情前，我哋每一年都會嚟雲頂開演唱會，所以好掛住呢度嘅歌迷，見番佢哋非常之開心，原本我哋只打算開一場，但反應太好，最終開多一場，我哋特別鍾意嚟馬來西亞開show，絕對係草蜢到過嘅巡迴站，最好反應、最好氣氛嘅三甲之列。」蘇志威說。旁邊的蔡一智補充說：「我覺得今晚嘅fans真係好犀利，佢哋反應大到不之得了，我哋根本唔使dancers同和唱，因為佢哋已經係dancers同和唱。」
除了馬拉的歌迷，原來這兩晚還集合了世界各地的草蜢粉絲，蔡一傑說：「我知道有世界各地fans嚟咗，包括澳洲、美國、泰國、香港、台灣、新加坡，佢哋都話好好睇，好值得飛咁長途機嚟馬來西亞睇我哋三個表演，喺度衷心多謝我哋嘅粉絲。」
在台上提到兩場演出最難忘的畫面，蔡氏兄弟不約而同地認為，歌迷的熒光棒燈海印象最深刻，但蘇志威則說：「我哋今次特別為馬來西亞歌迷，排練咗《檳城艷》呢首歌，我哋唱嘅時候佢哋特別開心，係馬拉歌迷嘅獨家福利。」
為答謝歌迷的投入表現，草蜢三子預備了多份演唱會Tee，送給現場觀眾。而平日有做開健身的蔡一傑，甚至將禮物拋到山頂觀眾位置。除了歌迷的支持，蔡一傑兩位來自泰國及美國的好友，專誠飛到雲頂撐場外，還送上繪畫了三子的巨型漫畫畫作給草蜢做禮物，問他畫作代表了什麼，來自美國的朋友解釋：「代表你哋永遠都係Grasshopper，永遠都係三位一體。」
（點新聞特約記者陳惠芳報道）
更多閱讀：
收藏
取消收藏
分享
