【點新聞報道】劇集《破毒強人》昨晚（7月31日）首播已獲網民讚有電影感。劇集開始是全身被插滿針筒的蕭正楠，眼神既迷幻又空洞地躺在地上，配以他獨白：「我望住我個靈魂一直向上飄，愈飄愈高」。
蕭正楠受訪時透露為了昨晚Overdose一幕花盡心思，並直認深刻難忘：「當時傾咗好耐場戲應該點做、眼神應該係點，我覺得嗰時個人應該失禁，所以同導演講話加啲失禁嘅畫面，但原來倒濕晒條褲、瞓喺廠嘅地板度係好凍，因為嗰時係冬天、又吹住大冷氣，再加上我就算劇組執燈、執機位我都盡量唔郁瞓番喺個地度，個地板係凍到我不停打冷震。」
蕭正楠續指就是這種「打冷震」狀態讓他更能投入角色：「工作人員問我使唔使畀啲暖手嘢我，我全部話唔使，仲話你由我震得啦，我自己一路震，變相roll機時就好易掌握到個狀態。」
昨晚可謂由頭帶到落尾的陳豪除了刻意將聲沙變沙啞、其角色是否真患上末期癌症亦引發熱議。至於陳豪的造型、尤其是入獄前的造型則獲網民大讚好有型。
（點新聞特約記者陳惠芳報道）
收藏
取消收藏
分享
