【點新聞報道】MIRROR成員盧瀚霆（Anson Lo）昨晚（23日）在亞博展開一連4場《ANSON LO 「THE STAGE」 IN MY SIGHT SOLO CONCERT 2023》。外界一直傳Anson Lo今次個唱「炒燶飛」，現場出現約三成吉位，演唱會期間ANSON更不忿神徒買票被欺負，淚灑舞台。
官方開騷時間為晚上8時15分，約晚上8時左右，已有不少人入場，現場約有七成滿。除神徒外，Anson Lo的父母、家姐及親友亦有到場支持，演唱會於8時30分左右開場，他穿上白色背心配緊身褲出場，展示出麒麟臂和纖腰。
他說已入行4年多，覺得自己長大不少。一輪勁歌熱舞後，教主換上鮮粉紅西裝再度上台，自彈自唱《Try》，然後唱出《神隊友》，唱到尾聲時，他哽咽他表示很想跟神徒坦白傾偈，知道大家用了不同方法入場，「又要食啲唔應該食嘅黃牛，同埋俾啲唔好嘅人HOLD住啲飛啦！每次見到你哋俾人蝦都好嬲，又唔知可以做咩保護到你哋，又唔可以喺STORY公開為你哋反擊，因為會引來罵戰，自己只可以每晚準備明天劇本、update social media，關心大家，睇曬你哋留言，呢啲都係對你哋嘅愛。」最後個唱於晚上10時30分完結。
（點新聞特約記者陳惠芳報道）
收藏
取消收藏
分享
